Articles

ព្រះមហាវីរក្សត្រ នរោត្តម សីហនុ នៅក្នុងការចងចាំ!

In Uncategorized on February 1, 2013 by hengkrishnaaa

52758_447924618587825_1531872480_o

Articles

យ៉ាងហោចណាស់ខ្ញុំត្រូវតែមានអ្វីមួយប្រសើរជាងអ្នកដទៃ!

In Uncategorized on February 4, 2012 by hengkrishnaaa

 

This slideshow requires JavaScript.

Articles

ចិត្តធ្ងន់ ចិត្តទូលាយ ទើបសម្រេចការធំ

In Uncategorized on April 7, 2014 by hengkrishnaaa

???????????????????????????????

Articles

វិបត្តិនៅអ៊ុយក្រែន

In Uncategorized on March 18, 2014 by hengkrishnaaa

សភាពការណ៏វិវត្តន៏នយោបាយក្នុងប្រទេសអ៊ុយក្រែនមានភាពតានតឹងកាន់តែខ្លាំងឡើងៗពីមួយ
ថ្ងៃទៅមួយថ្ងៃ។ បន្ទាប់ពីរដ្ឋាភិបាលថ្មីដែលមាននិន្នាការទោរទន់ទៅរកបស្ចឹមប្រទេស ត្រូវបាន
បង្កើតឡើង ការបែកបាក់ក្នុងសង្គមអ៊ុយក្រែន និង ការងើបឡើងប្រឆាំងនឹងរដ្ឋាភិបាលក្រុងគៀវ
ពីសំណាក់ជនជាតិរុស្ស៊ី និង បណ្តាជននិយាយភាសារុស្ស៊ីដែលរស់នៅភាគខាងកើតនិងខាងត្បូង
នៃប្រទេសមានជាអាទិ៍៖ ខារកូវ (Kharkov) គ្រីម៉េ(Crimea) ដូញៀតស្ក៏(Donetsk) អូដេសា(Odessa)
ជាដើម ចេះតែរីកធំឡើង ។
ក្នុងចំណោមបណ្តាខេត្តទាំងនោះ តំបន់ស្វ័យតគ្រីម៉េដែលមានប្រជាជនរុស្ស៊ីនិង បណ្តាជននិយាយ
ភាសារុស្ស៊ីប្រមាណជាង ៦០% បានងើបឡើងប្រឆាំងខ្លាំងជាងគេដោយបានទាមទារអោយតំបន់នេះផ្តាច់
ខ្លួនចេញពីអ៊ុយក្រែនហើយភ្ជាប់ជាឧបសម្ព័ន្ធទៅនឹងប្រទេសរុស្ស៊ី។
សភាពការណ៏នៃការវិវត្តន៏ទាំងនេះមានដូចតទៅ៖
-២២ កុម្ភៈ ២០១៤ រដ្ឋសភាអ៊ុយក្រែនអនុម័តដកសេចក្តីទុកចិត្តពីប្រធានាធិបតី Viktor Yanukovych
ក្នុងសំលេង៣២៨ លើ ៤៥០ (លើស២/៣)ហើយរដ្ឋាភិបាលថ្មីបណ្តោះអាសន្នត្រូវបានបង្កើតឡើង
ទម្រាំមានការបោះឆ្នោតប្រធានាធិបតី មុនអាណត្តិនៅថ្ងៃទី ២៥ ខែ ឧសភាឆ្នាំ ២០១៤។
-២៣ កុម្ភៈ ក. រដ្ឋសភាអនុម័តលុបចោល«ច្បាប់ស្តីអំពីភាសានៃបណ្តាជនភាគតិច» ដោយប្រកាស
យកភាសាអ៊ុយក្រែនជាភាសាផ្លូវការរបស់រដ្ឋ រួមបញ្ចូលទាំងតំបន់ស្វ័យតគ្រីម៉េដែលមាន
ប្រជាជនរុស្ស៊ី និង បណ្តាជននិយាយភាសារុស្ស៊ីច្រើនលើសលប់រស់នៅ។
ខ. បណ្តាជនរុស្ស៊ីជាច្រើនពាន់នាក់នៅ Sevastopol បានប្រមូលផ្តុំគ្នាប្រឆាំងទៅនឹងការ
អនុម័តរបស់សភា អ៊ុយក្រែន ព្រមទាំងបានអំពាវនាវអោយប្រទេសរុស្ស៊ីធ្វើអន្តរាគមន៏
ការពារពួកគេ។
-២៤ កុម្ភៈ ក. ប្រជាជនរុស្ស៊ីនិងបណ្តាជននិយាយភាសារុស្ស៊ីកាន់តែច្រើនបានប្រមូលគ្នាធ្វើបាតុកម្ម
និងបានបដិសេធមិនទទួលស្គាល់លោក Vladimir Yatsuba ដែលតែងតាំងដោយរដ្ឋាភិ
បាលបណ្តោះអាសន្នអ៊ុយក្រែន ជាអភិបាលក្រុង Sevastopol ។
ខ. លោក Aleksei Chalyi ដែលមានសញ្ជាតិរុស្ស៊ីត្រូវបានជ្រើសតាំងជាអភិបាលក្រុង។
-២៥ កុម្ភៈ បាតុករជាច្រើនរយនាក់ដែលមាននិន្នាការគាំទ្ររុស្ស៊ីបានប្រមូលផ្តុំនៅខាងមុខសភាគ្រីម៉េ
ដោយទាមទារអោយមានការធ្វើប្រជាមតិចំពោះឯករាជ្យភាពនៃតំបន់ស្វ័យតនេះពីអ៊ុយក្រែន។
-២៧ កុម្ភៈ ក. ក្រុមប្រដាប់អាវុធបិទមុខមួយក្រុមដែលមានទំនោរទៅរករុស្ស៊ីបានចូលកាន់កាប់អគារសភា
និង រដ្ឋាភិបាលតំបន់គ្រីម៉េ ។
ខ. សភាគ្រីម៉េត្រូវបានកោះប្រជុំជាបន្ទាន់ដើម្បីបោះឆ្នោតជ្រើសតាំងនាយករដ្ឋមន្ត្រីថ្មី ។
លោក Sergey Aksyonov ត្រូវបានបោះឆ្នោតជ្រើសតាំងជានាយករដ្ឋមន្ត្រីក្នុងសំលេង ៥៥/៦៤។
-២៨ កុម្ភៈ ក. ព្រលានយន្តហោះអន្តរជាតិ Simferopol និង Sevastopol នៃតំបន់ស្វ័យតគ្រីម៉េត្រូវបាន
កាន់កាប់ដោយកងយោធាមិនស្គាល់អត្តសញ្ញាណ។
ខ. នាវាផ្ទុកមីស៊ីលរុស្ស៊ីមួយគ្រឿងបានរាំងខ្ទប់កំពង់ផែ Balaklava ដែលជាមូលដ្ឋាននៃកង
ល្បាតសមុទ្រអ៊ុយក្រែន។ ឧទ្ធម្ភាគចក្រយោធារុស្ស៊ី ៨ គ្រឿងត្រូវបានបញ្ជូនទៅ Sevastopol ។
គ. ប្រធានាធិបតី អាមេរិក បារ៉ាក់ អូប៉ាម៉ា បានព្រលយពាក្យថា រាល់ការប្រើកម្លាំងយោធា
ណាមួយពីសំណាក់រុស្ស៊ី នឹងត្រូវមានសំណងក្នុងតម្លៃណាមួយ។
-០១ មីនា ក. នាយករដ្ឋមន្ត្រីតំបន់ស្វ័យតគ្រីម៉េ លោក Sergey Aksyonov បានអំពាវនាវដោយផ្ទាល់
សុំឱ្យប្រធានាធិបតីរុស្ស៊ី Vladimir Putin ជួយថែរក្សាសន្តិភាពក្នុងតំបន់ស្វ័យតនេះ ។
ខ. ប្រធានាធិបតីស្តីទីអ៊ុយក្រែន Alexandre Turchinov ចុះហត្ថលេខាលើក្រិត្យប្រកាសការ
តែងតាំងលោក Aksyonov ជានាយករដ្ឋមន្ត្រីនៃតំបន់ស្វ័យតគ្រីម៉េ រំលោភលើរដ្ឋធម្មនុញ្ញ។
គ. សភាជាន់ខ្ពស់រុស្ស៊ីបានសំរេចជាឯកច្ឆ័ន្ទលើសំណើប្រើប្រាស់កម្លាំងទ័ព ដើម្បីការពារ
ផលប្រយោជន៏និងប្រជាជនរុស្ស៊ីនៅអ៊ុយក្រែនតាមសំណើប្រធានាធិបតី Putin ។
-០២ មីនា មេបញ្ជាការកងទ័ពជើងទឹកអ៊ុយក្រែន លោក Denis Berezovsky ប្រកាសតាមទូរទស្សន៏
មិនគោរពតាមបញ្ជារដ្ឋាភិបាលក្រុងគៀវ។ គ្រីម៉េបានប្រកាសបង្កើតក្រសួងការពារជាតិរបស់ខ្លួន។
-០៤ មីនា កងយោធារុស្ស៊ីបានចូលកាន់កាប់ តំបន់មួយចំនួននៃទីក្រុង Kerch ផ្នែកខាងកើតបំផុត
នៃតំបន់ស្វ័យតគ្រីម៉េ។
-០៦ មីនា ក្រុមប្រឹក្សាជាន់ខ្ពស់គ្រីម៉េបានបោះឆ្នោតគាំទ្រការភ្ជាប់តំបន់គ្រីម៉េទៅក្នុងសហព័ន្ធរុស្ស៊ី
តាមរយៈការធ្វើប្រជាមតិនៅថ្ងៃទី ១៦ ខែ មីនា។
-០៧ មីនា សភាឌូម៉ាប្រកាសទទួលជាផ្លូវការគាំទ្រគ្រីម៉េ ក្នុងការភ្ជាប់ខ្លួនចូលក្នុងសហព័ន្ធរុស្ស៊ី
ដោយឈរលើ«សន្ធិសញ្ញាអន្តររដ្ឋសមស្រប»។
-០៨ មីនា រដ្ឋមន្ត្រីការបរទេសអាមេរិក John Kerry ទូរស័ព្ទមករដ្ឋមន្ត្រីការបរទេសរុស្ស៊ី Lavrov
ពិភាក្សាអំពីបញ្ហាតំបន់គ្រីម៉េនិងបានព្រមានចំពោះការប៉ុនប៉ងភ្ជាប់ទឹកដីគ្រីម៉េទៅក្នុងសហព័ន្ធរុស្ស៊ី
ថាជាការ«បិទទ្វារការទូត» រវាងរុស្ស៊ី និង បស្ចឹមប្រទេស។
-០៩ មីនា ប្រធានាធិបតីរុស្ស៊ី Vladimir Putin ទូរស័ព្ទទៅអធិការបតីអាល្លឺម៉ង់ Angela Merkel និង
នាយករដ្ឋមន្ត្រីអង់គ្លេស David Cameron ដើម្បីពន្យល់ពីអន្តរាគមន៏របស់រុស្ស៊ីក្នុងការការពារប្រជា
ជន និង បណ្តាជននិយាយភាសារុស្ស៊ីដែលរស់នៅក្នុងតំបន់គ្រីម៉េ។
-១០ មីនា ក. ប្រធានាធិបតី Vladimir Putin កោះហៅរដ្ឋមន្ត្រីការបរទេសរុស្ស៊ី Sergey Lavrov
ដើម្បីរាយការណ៏ដោយផ្ទាល់អំពីជំហរបស្ចឹមប្រទេសជុំវិញបញ្ហាគ្រីម៉េ។
ខ.រដ្ឋាភិបាលក្រុងគៀវ បានសំរេចបង្កកទឹកប្រាក់ចំនួន ១១០ លានដុល្លាររបស់គ្រីម៉េ។
-១១ មីនា ក. សភាគ្រីម៉េបានបោះឆ្នោតអនុម័តលើសេចក្តីប្រកាសឯករាជ្យនៃសាធារណរដ្ឋស្វ័យត
គ្រីម៉េ ពីប្រទេសអ៊ុយក្រែន ក្នុងសំលេង ៧៨ លើ ១០០។
ខ. រុស្ស៊ីចាប់ផ្តើមសមយុទ្ធឆ័ត្រយោងដែលមានកងទ័ពចូលរួមចំនួន ៣.៥០០នាក់ និង
យន្តហោះចំនួន ៣៦ គ្រឿង។
គ. រដ្ឋសភាអ៊ុយក្រែនអនុម័តស្នើសុំអាមេរិក និង អង់គ្លេស ក្នុងជំនួយផ្នែកយោធា
-១២ មីនា ក.អង្គការណាតូបញ្ជាក់អំពីការបញ្ជូនយន្តហោះចម្បាំងF-16 ចំនួន ១៨ គ្រឿងទៅកាន់
ប្រទេស ប៉ូឡូញ និង ប្រទេស លីទុយអានី។
ខ. សមយុទ្ធយោធារួមរវាង សហរដ្ឋអាមេរិក ប៊ុលហ្គារី និង រ៉ូមេនី នៅសមុទ្រខ្មៅចាប់ផ្តើម ។
-១៣ មីនា ក. ប្រទេសរុស្ស៊ីបានបញ្ចូនយន្តហោះចម្បាំង ៩គ្រឿងទៅប្រទេសបេឡារុស្សតាមសំនើ
របស់ប្រធានាធិបតី Alexander Lukashenko។
ខ. ប្រធានាធិបតីរុស្ស៊ីPutin កោះប្រជុំជាបន្ទាន់ក្រុមប្រឹក្សាសន្តិសុខជាតិរុស្ស៊ីដោយមាន
ការចូលរួមពីសំណាក់ នាយករដ្ឋមន្ត្រី រដ្ឋមន្ត្រីការបរទេស និងគ្រប់រដ្ឋមន្ត្រីក្រសួងនានា
ដើម្បីពិនិត្យនិងពិភាក្សាអំពីជំហរនយោបាយរុស្ស៊ីត្រូវប្រកាន់យកក្នុងវិបត្តិអ៊ុយក្រែន។
-១៤ មីនា ក. ជំនួបពិភាក្សារវាងរដ្ឋមន្ត្រីការបរទេសរុស្ស៊ីនិងអាមេរិកជុំវិញបញ្ហាតំបន់គ្រីម៉េពុំមាន
លទ្ធផលបន្ទាប់ចំណាយពេលអស់ជាង ៦ម៉ោង ។
ខ. ទីភ្នាក់ងារអាវុធរុស្ស៊ី Rostec ស្ទាក់ចាប់បានយន្តហោះឈ្លបយកការណ៏ Drone របស់
អាមេរិកដែលហោះកាត់គ្រីម៉េ។
-១៥ មីនា ប្រទេសរុស្ស៊ីបានវេតូ ទៅនឹងសេចក្តីសំរេចរបស់អង្គការសហប្រជាជាតិដែលដាក់ការ
ធ្វើប្រជាមតិនៅសាធារណរដ្ឋគ្រីម៉េ «គ្មានសុពលភាព»។
-១៦ មីនា ក.ការធ្វើប្រជាមតិនៅគ្រីម៉េដើម្បីភ្ជាប់ទៅក្នុងសហព័ន្ធរុស្ស៊ីចាប់ផ្តើមដែលមានអត្រាអ្នក
បោះឆ្នោត ៨២,៥ % ។
ខ. រដ្ឋមន្ត្រីការពារជាតិរុស្ស៊ីនិងអ៊ុយក្រែន ចុះហត្ថលេខាព្រមព្រៀងលើ ‌‌”យុទ្ធសន្តិភាព”
លើទឹកដីគ្រីម៉េ រហូតដល់ថ្ងៃទី ២១ មីនា ។
គ. នាយករដ្ឋមន្ត្រីអ៊ុយក្រែន លោក Arseny Yatsenyuk ប្រកាសចាប់ខ្លួនមេក្លោងនៅគ្រីម៉េ
ដែលផ្តួចផ្តើមអោយមានការធ្វើប្រជាមតិផ្តាច់ខ្លួនពីអ៊ុយក្រែន។
ឃ. គណរដ្ឋមន្ត្រីអ៊ុយក្រែនបានបង្កើនថវិការបម្រុងទំហំ ៧០០ លានដុល្លារដើម្បីការពារ
ប្រទេសប្រឈមនឹងការឈ្លានពានណាមួយរបស់រុស្ស៊ី។
-១៧ មីនា ក.លទ្ធផលនៃការធ្វើប្រជាមតិ ចំនួន ៩៥.៧ % គាំទ្រអោយគ្រីម៉េភ្ជាប់ជាឧបសម្ព័ន្ធរុស្ស៊ី
ខ. តំណាងសភាក្រុមប្រឹក្សាជាន់ខ្ពស់លោក Vladimir Konstantinov និង នាយករដ្ឋ
មន្ត្រី លោក Sergei Aksenov នៃតំបន់គ្រីម៉េ ចុះហត្ថលេខាលើកិច្ចព្រមព្រៀងស្តីអំពី
ការបញ្ជូលគ្រីម៉េក្នុងឧបសម្ព័ន្ធរុស្ស៊ី។
គ. ប្រធានាធិបតីរុស្ស៊ី Vladimir Putin ក្នុងជំនួបតាមទូរស័ព្ទជាមួយ អគ្គលេខាធិការ
អង្គការសហប្រជាជាតិ លោក Ban Ki-Moon បានការពារការធ្វើប្រជាមតិនៅគ្រីម៉េ
ថាស្របតាមច្បាប់អន្តរជាតិនិងធម្មនុញ្ញអ.ស.បដែលចែងថា ប្រជាជនមានសិទ្ធិកំណត់
វាសនាខ្លួនដោយខ្លួនឯង។
ឃ.ប្រធានាធិបតីរុស្ស៊ី Vladimir Putin ចុះហត្ថលេខាលើក្រិត្យទទួលស្គាល់ គ្រីម៉េជារដ្ឋ
ឯករាជ្យដែលជាជំហ៊ានទៅរកការភ្ជាប់ជាឧបសម្ព័ន្ធក្នុងសហព័ន្ធរុស្ស៊ី។
ង. អាមេរិកប្រកាសដាក់ទណ្ឌកម្មមន្ត្រីជាន់ខ្ពស់រុស្ស៊ី និង អ៊ុយក្រែនចំនួន ១១ ខណៈ
EU ប្រកាសទណ្ឌកម្មមន្ត្រីជាន់ខ្ពស់ ២១ នាក់ពាក់ព័ន្ធនឹងបញ្ហាគ្រីម៉េ ដោយការបង្កក
ទ្រព្យសម្បត្តិ និង ការបញ្ឈប់ទិដ្ឋាការចេញ-ចូលអ៊ឺរ៉ុប និង អាមេរិក។ ចំណែកឯប្រទេស
កាណាដា ក៏បានប្រកាសដាក់ទណ្ឌកម្មមន្ត្រីជាន់ខ្ពស់រុស្ស៊ី ៧នាក់និងគ្រីម៉េ ៣នាក់ដែរ។
-១៨ មីនា ក. សមាជិកសភាឌូម៉ារុស្ស៊ីចំនួន ៣៥៣ នាក់ ចុះហត្ថលេខាលើសេចក្តីប្រកាសអំពី
“ការដាក់ទណ្ឌកម្មរបស់អាមេរិក និង សហភាពអ៊ឺរ៉ុប”ដោយស្នើអោយប្រធានាធិបតី
អូបាម៉ា បញ្ចូលសមាជិកសភាឌូម៉ារុស្ស៊ីទាំងអស់ក្នុងបញ្ជីខ្មៅអាមេរិក និង អ៊ឺរ៉ុប។
ខ. រដ្ឋមន្ត្រីក្រសួងការបរទេសបារំាង លោក Laurent Fabius ក្នុងបទសម្ភាសន៏វិទ្យុ
Europe 1 បានប្រកាសអំពីការព្យួរសមាជិកភាពរុស្ស៊ីក្នុង G8 ។
គ. ប្រធានាធិបតី Vladimir Putin ថ្លែងទៅកាន់សមាជិកសភាទាំងពីរថ្នាក់ បណ្តា
អភិបាលរដ្ឋក្នុងសហព័ន្ធ និង តំណាងសង្គមស៊ីវិលដោយផ្តោតសំខាន់លើលទ្ធផលនៃ
ការធ្វើប្រជាមតិនៅគ្រីម៉េនិងការបញ្ចូលតំបន់នេះជាមួយ Sevastopol ក្នុងសហព័ន្ធរុស្ស៊ី។
ក្នុងនោះដែរ ក៏មានការចុះហត្ថលេខាលើកិច្ចព្រមព្រៀងអន្តររដ្ឋស្តីអំពីការបញ្ចូលសាធារ
ណរដ្ឋគ្រីម៉េ និង ក្រុង Sevastopol ចូលក្នុងឧបសម្ព័ន្ធរបស់រុស្ស៊ី។
ខ្លឹមសារសំខាន់នៃសេចក្តីថ្លែងរបស់ ប្រធានាធិបតី Putin ដូចតទៅ៖
-ការធ្វើប្រជាមតិនៅគ្រីម៉េ គឺធ្វើឡើងតាមលំនាំប្រជាធិបតេយ្យពេញលេញ។
-ប្រធានាធិបតីពូទីន ស្នើសភាផ្តល់សច្ចាប័នលើកិច្ចព្រមព្រៀងបញ្ចូលសាធារណរដ្ឋ
គ្រីម៉េ និង ក្រុង Sevastopol ក្នុងឧបសម្ព័ន្ធរុស្ស៊ី។
– រុស្ស៊ីមិនមានបំណងបំបែកផ្នែកណាមួយនៃទឹកដីអ៊ុយក្រែនឡើយ ហើយករណីគ្រីម៉េ
នឹងនៅតែរស់នៅដោយជនជាតិ រុស្ស៊ី អ៊ុយក្រែន និង តាតារ ដូចដើម។
-នៅគ្រីម៉េនឹងមានភាសាផ្លូវការចំនួនបី គឺ រុស្ស៊ី អ៊ុយក្រែន តាតារ។
-រុស្ស៊ីថ្លែងអំណរគុណចំពោះប្រទេសចិនដែលតែងតែយល់អំពីជំហរប្រទេសរុស្ស៊ី និង
តែងឈរដោយយុត្តិធម៌ក្នុងវិបត្តិអ៊ុយក្រែន។
-ប្រធានាធិបតីពូទីន រិះគន់បណ្តាប្រទេសលោកខាងលិច ជាពិសេស អាមេរិក ដែល
តែងតែប្រើនយោបាយ “Double Standard”។ លោកបានលើកឧទាហរណ៏ ករណី
កូសូវ៉ូ យូហ្គោស្លាវី អ៊ីរ៉ាក់ អាហ្វហ្គានីស្ថាន លីប៊ី ជាដើម។
-ប្រធានាធិបតីពូទីនថ្លែងសំដៅទៅបណ្តាប្រទេសអ៊ឺរ៉ុបជាពិសេស អាល្លឺម៉ង់ ដោយរំពឹង
ថានឹងមានការយល់អំពីជំហរប្រទេសរុស្ស៊ីក្នុងការភ្ជាប់គ្រីម៉េមកក្នុងទឹកដីរុស្ស៊ីនេះគឺដូច
គ្នានឹងការបង្រួបបង្រួមអាល្លឺម៉ង់ខាងលិចនិង អាល្លឺម៉ង់ខាងកើត ដែរ។
-រុស្ស៊ី និង អ៊ុយក្រែននៅតែមានទំនាក់ទំនងជារដ្ឋបងប្អូនគ្នា ហើយទំនាក់ទំនងនេះមាន
សារសំខាន់ណាស់សំរាប់រុស្ស៊ី។
-ប្រធានាធិបតីពូទីន បញ្ជាក់អំពីវត្តមានកងទ័ពនៅតំបន់គ្រីម៉េថា រុស្ស៊ីមិនបានបញ្ជូនកង
យោធារបស់ខ្លួនទៅគ្រីម៉េឡើយ ប៉ុន្តែគ្រាន់តែពង្រឹងកម្លាំងដោយកំណត់ចំនួនតាមកិច្ច
ព្រមព្រៀងអន្តរជាតិតែប៉ុណ្ណោះ។

ជំហរ និង ប្រតិកម្មរបស់ប្រទេសរុស្ស៊ី
-ការប្រកាសឯករាជ្យរបស់គ្រីម៉េគឺមានលក្ខណៈ«ស្របច្បាប់ដាច់ខាត»។
-សហព័ន្ធរុស្ស៊ី គោរពតាមលទ្ធផល និង គាំទ្រការភ្ជាប់តំបន់គ្រីម៉េទៅក្នុងសហព័ន្ធរុស្ស៊ីតាមរយៈការធ្វើ
ប្រជាមតិនៅថ្ងៃទី ១៦ ខែមីនា ដែលជាជម្រើសនៃឆន្ទៈប្រជាជន ។
-ក្រសួងការបរទេសរុស្ស៊ីចោទអាមេរិកជុំវិញបញ្ហាគ្រីម៉េ ថាកំពុងប្រកាន់យកនូវ “Double Standard” ។
– រុស្ស៊ីមិនត្រូវការឱ្យមានយន្តការអន្តរជាតិសំរាប់ពិភាក្សាអំពីទំនាក់ទំនងរវាង រុស្ស៊ី និង អ៊ុយក្រែនឡើយ
ត្បិតចាត់ទុករដ្ឋាភិបាលក្រុងគៀវ មិនស្របច្បាប់ដែលដណ្តើមអំណាចតាមរយៈរដ្ឋប្រហារ ។
-រុស្ស៊ី ប្រកាន់ជំហរថា ខ្លួនគ្មាន ហើយ នឹងមិនអាចមានឡើយ គម្រោងធ្វើអន្តរាគមន៏យោធាចូលតំបន់
អាគ្នេយ៏អ៊ុយក្រែនដែល មានបណ្តាជនរុស្ស៊ីរស់នៅច្រើនលើសលប់ឡើយ។
-ក្រសួងការពារជាតិរុស្ស៊ីផ្អាកឈប់អោយមានការធ្វើអធិការកិច្ចរបស់អាមេរិកទាក់ទង នឹងដំណើរបំពេញ
តាមសន្ធិសញ្ញា New Start។
-ប្រទេសរុស្ស៊ី នឹងឆ្លើយតបទៅវិញដោយសមស្រប ប្រឆាំង នឹង ទណ្ឌកម្មណាមួយដែលលោកខាងលិច
បានដាក់មកលើរុស្ស៊ីជុំវិញបញ្ហានៅគ្រីម៉េ។

ជំហរ និង ប្រតិកម្មរបស់ប្រទេសអ៊ុយក្រែន
-ការធ្វើប្រជាមតិនៅតំបន់ស្វ័យតគ្រីម៉េគឺជាការរំលោភលើរដ្ឋធម្មនុញ្ញប្រទេសអ៊ុយក្រែន ។
-អ៊ុយក្រែនមិនទទួលស្គាល់ដាច់ខាតនូវលទ្ធផលប្រជាមតិថ្ងៃទី ១៦ មីនា។
ជំហរ និង ប្រតិកម្មរបស់ប្រទេសអាមេរិក-EU
-សហរដ្ឋអាមេរិកព្រមានរុស្ស៊ីចំពោះការប៉ុនប៉ងភ្ជាប់ទឹកដីគ្រីម៉េមកជាឧបសម្ព័ន្ធរបស់រុស្ស៊ីគឺជាការជំរុញឱ្យ
«បិទទ្វារការទូត»រវាងបស្ចឹមប្រទេស និង រុស្ស៊ី។
-ការធ្វើប្រជាមតិនៅគ្រីម៉េគឺជាការរំលោភលើរដ្ឋធម្មនុញ្ញប្រទេស និង ច្បាប់អន្តរជាតិពេញទី។
-អាល្លឺម៉ង់ប្រតិកម្មចំពោះការភ្ជាប់ទឹកដីគ្រីម៉េមកក្នុងឧបសម្ព័ន្ធរុស្ស៊ីថាជា គោលការណ៏ដែលហួសសម័យ
ត្រូវបានគេប្រើនៅស.វទី ១៩-២០ និង ជាការប៉ុនប៉ងឆ្លៀតប្រើភាពទន់ខ្សោយរបស់អ៊ុយក្រែន ដែលនេះជា
ទង្វើ«តាមច្បាប់ព្រៃ»។
-បារាំងកំពុងពិនិត្យការព្យួរកិច្ចសន្យាផ្គត់ផ្គង់នាវាចម្បាំងជាមួយរុស្ស៊ី។
- អ៊ឺរ៉ុបប្រកាសព្យួរសមាជិកភាពរុស្ស៊ីពីក្រុមប្រទេសដែលមានឧស្សាហកម្មជឿនលឿន G8។
-អាមេរិកបានប្រកាសបង្កកទ្រព្យសម្បតិ្ត និង បញ្ឈប់ការផ្តល់ទិដ្ឋាការដល់មន្ត្រីរុស្ស៊ី ៧ នាក់និងអ៊ុយក្រែន
៤នាក់ដែលមានការជាប់ពាក់ព័ន្ធទៅនឹងការគំរាមដល់អធិបតេយ្យអ៊ុយក្រែន។
មន្ត្រីជាន់ខ្ពស់រុស្ស៊ីទាំង ៧នាក់គឺ៖
១. លោក Vladislav Surkov ជំនួយការប្រធានាធិបតីរុស្ស៊ី
២. លោក Sergey Glazyev ទីប្រឹក្សាប្រធានាធិបតីរុស្ស៊ី
៣. លោក Leonid Slutsky អនុប្រធានសភាឌូម៉ា
៤. លោក Andrey Klishas សមាជិកសភាក្រុមប្រឹក្សាសហព័ន្ធ
៥. លោកស្រី Valentina Matvienko ប្រធានសភាក្រុមប្រឹក្សាសហព័ន្ធ
៦. លោក Dmitry Rogozin ឧបនាយករដ្ឋមន្ត្រី
៧. លោកស្រី Yelena Mizulina អនុប្រធានសភាឌូម៉ា
មន្ត្រីជាន់ខ្ពស់អ៊ុយក្រែន ៤ នាក់ ៖
១.លោក Viktor Yanukovych ប្រធានាធិបតីធ្លាក់ពីតំណែងអ៊ុយក្រែន
២.លោក Sergey Aksyonov នាយករដ្ឋមន្ត្រីគ្រីម៉េ
៣.លោក Vladimir Konstantinov ប្រធានសភាក្រុមប្រឹក្សាជាន់ខ្ពស់គ្រីម៉េ
៤. លោក Viktor Medvedchuk អតីតប្រធានរដ្ឋបាលប្រធានាធិបតី Yanukovych
-សហភាព អ៊ឺរ៉ុបប្រកាសដាក់ទណ្ឌកម្មមន្ត្រីជាន់ខ្ពស់រុស្ស៊ី និង អ៊ុយក្រែនចំនួន ២១នាក់ បន្ទាប់ពីការ
ប្រកាសឯករាជ្យនៅគ្រីម៉េ។ ឈ្មោះក្នុងបញ្ជីខ្មៅនោះរួមមាន៖
មន្ត្រីជាន់ខ្ពស់រុស្ស៊ីទាំង ១៣ នាក់គឺ៖
១. លោក Vladimir Dzhabarov អនុប្រធានគណៈកម្មាធិការក្រុមប្រឹក្សាសហព័ន្ធ
២. លោក Andrey Klishas សមាជិកសភាក្រុមប្រឹក្សាសហព័ន្ធ
៣. លោក Viktor Azerov ប្រធានគណៈកម្មាធិការក្រុមប្រឹក្សាសហព័ន្ធទទួលបន្ទុកសន្តិសុខជាតិ
៤. លោក Nikolay Rizhkov, Evgeniy Bushmin, Alexandre Totoonov និង Oleg Panteleev
សមាជិកក្រុមប្រឹក្សាសហព័ន្ធ។
៥. លោក Sergey Mironov, Sergei Zheleznyak, Leonid Slutsky សមាជិកសភាឌូម៉ា
៦. លោក Alexandre Vitko មេបញ្ជាការនាវាជើងទឹកប្រចាំនៅសមុទ្រខ្មៅ
៧. លោក Anatoly Sidorov និងលោក Alexander Galkin មេបញ្ជាការកងទ័ពភាគខាងលិច-ត្បូង
មន្ត្រីជាន់ខ្ពស់គ្រីម៉េទាំង ៨ នាក់គឺ៖
១. លោក Sergey Aksenov នាយករដ្ឋមន្ត្រីគ្រីម៉េ
២. លោក Vladimir Konstantinov ប្រធានសភាក្រុមប្រឹក្សាជាន់ខ្ពស់
៣. លោក Denis Berezovsky មេបញ្ជាការកងទ័ពអ៊ុយក្រែន
៤. លោក Alexey Chaliy ប្រធានក្រុមប្រឹក្សា Sevastopol
៥. លោក Rustam Temirgalyev អ្នកនយោបាយគ្រីម៉េ
៦. លោក Petr Zima ប្រធានក្រុមប្រឹក្សាសន្តិសុខគ្រីម៉េ
៧. លោក Yuri Zherebtsov ទីប្រឹក្សាសមាជិកសភាជាន់ខ្ពស់គ្រីម៉េ
៨. លោក Sergey Tsekov ប្រធានក្រុមប្រឹក្សាជាន់ខ្ពស់គ្រីម៉េ

ជំហរ និង ប្រតិកម្មរបស់ប្រទេសចិន
-គាំទ្រអោយមានការដោះស្រាយតាមផ្លូវនយោបាយ និង មធ្យោបាយការទូត ក្នុងវិបត្តិនៅអ៊ុយក្រែន។
-ប្រកាន់យកគោលជំហរ សត្យានុម័ត និង ប្រកបដោយយុត្តិធម៌។
-ប្រឆាំងទៅនឹងការគំរាមដាក់ទណ្ឌកម្មនៅក្នុងទំនាក់ទំនងអន្តរជាតិ។
-លើកទឹកចិត្តអោយភាគីដែលពាក់ព័ន្ធដោះស្រាយការខ្វែងគំនិតគ្នាតាមរយៈការ សន្ទនា (Dialogue)
និង ការពិគ្រោះយោបល់គ្នា (Consultation)។

ជំហរ និង ប្រតិកម្មរបស់ប្រទេសបេឡារុស្ស
-ទទួលស្គាល់ដោយឥតប្រែប្រួលនូវ អធិបតេយ្យភាព បូរណភាពដែនដីរបស់ប្រទេសអ៊ុយក្រែនដោយ
ប្រឆាំងទៅនឹងការពុះជ្រៀកដែនដីប្រទេសនេះ។
-បន្តធ្វើកិច្ចសហប្រតិបត្តិការជាមួយរដ្ឋាភិបាលថ្មីអ៊ុយក្រែន។
-រដ្ឋាភិបាលទីក្រុង Minsk ប្រកាន់ខ្ជាប់គោលជំហរក្នុងជម្លោះនៅអ៊ុយក្រែន ដោយយោងទៅតាមផល
ប្រយោជន៏របស់បេឡារុស្សផ្ទាល់។

Articles

ប៉ុន្មានឃ្លានេះ ល្មមអាចជំរុញកុំញុំាសាច់សត្វ

In Uncategorized on March 16, 2014 by hengkrishnaaa

1981787_670050773040889_716248513_n

Articles

I’m inspired

In Uncategorized on March 13, 2014 by hengkrishnaaa

I’m inspired! by Slidely Slideshow

http://slide.ly/view/56a0ba60f7c60b16fbc65256e3991306

Articles

ទឹកភ្នែកដ៏មានតម្លៃ 02

In Uncategorized on March 13, 2014 by hengkrishnaaa

ខ្ញុំចាំថា គាត់និយាយថា យើងត្រូវគ្នានិងមានលក្ខណៈដូចគ្នាច្រើន មានការសំរប មានការយោគយល់គ្នាច្រើន គឺចុះសំរុងគ្នា។ ខ្ញុំក៏គិតអញ្ចឹងដែរ។ ពួកយើងមានការអាធ្យាស្រ័យគ្នាច្រើន មានការសំរប និងការយោគយល់គ្នាជានិច្ច។ ស្នេហានេះកើតឡើងដោយការអាណិត ដែលប្រែទៅជាការស្រឡាញ់មួយដ៏កក់ក្តៅ។
ប្រហែលគេនឹងនិយាយថា នេះដោយសារទើបតែចាប់ផ្តើុំុំម ដោយសារនៅស្រឡាញ់គ្នាថ្មីៗ ទើបបែបនេះ។ ខ្ញុំមិនដឹងទេ ខ្ញុំគ្រាន់តែដឹងថា មិនប្រាកដថាអ្នករាល់គ្នាអាចដូចនេះទេ។ មិនមែនមិនអាចបំភ្លេច តែជាបទពិសោធន៏កាលពេលដែលខ្ញុំនៅក្នុងស្នេហាទី១ ភាគច្រើនភាពរកាំរកូសរបស់យើងធ្វើអោយខ្ញុំយំ
ច្រើនជាងសើច។ មិនមែនយំខ្លាចការបាត់បង់ តែយំដោយការមិនចុះសំរុងគ្នា។
នៅពេលអនឡាញជាមួយបង មិនដឹងហេតុអីទេ យល់ថាឈឺចាប់ណាស់។ ទឹកភ្នែកហូរអត់ឈប់សោះ។ យល់ថាគាត់លេងសើចប្លែក។ មិនដឹងថាគាត់ព្យាយាមបន្លប់ខ្លួន
គាត់ ពីការឈឺចាប់ ពីការមិនសប្បាយចិត្ត ឬយ៉ាងណា? ឬគាត់គ្រាន់តែលេងសើចធម្មតា? តែគាត់ដូចជាលេងសើចបន្លំការពិត ។ ខ្ញុំអត់មានអ្វីតបគាត់ទាល់តែសោះ
រកពាក្យនិយាយមិនចេញ ចេញតែទឹកភ្នែក។ មិនដឹងថាហេតុអ្វី យល់ថាឈឺចាប់ ទឹកភ្នែក ស្រក់មកធ្វើអោយខ្ញុំយល់ថា ខ្សោះខ្លួន ទន់ខ្លួន ស្រាលខ្លួន។ ខ្ញុំពិតជាចង់អោប
គាត់ ចង់គេងលើដើមទ្រូងគាត់។ និយាយបែបនេះដូចជាអាក្រក់ណាស់ តែខ្ញុំ គ្រាន់តែត្រូវការមនុស្សម្នាក់ដែលបេះដូងខ្ញុំត្រូវការ។ សង្ឃឹមថា មានថ្ងៃយើងជួបគ្នាជាគូ។

សិការតែម្នាក់របស់បង

Articles

សំណាងពឹងចំណេះ

In Uncategorized on March 12, 2014 by hengkrishnaaa

ថ្ងៃនេះហៅមហាធ្ងន់ធ្ងរក៏ថាបាន ឬ ហៅថាមហាសំណាងក៏បាន។
ត្រូវធ្វើកិច្ចការវិភាគនយោបាយជូនឯកឧត្តមអោយទាន់ពេល។ ត្រូវចូលគេងនៅម៉ោង ៤ព្រឹក ហើយក្រោកទៅធ្វើការនៅម៉ោង ៨ព្រឹក។

តាំងធ្វើកិច្ចការចប់ហើយ បែរជាមិនចង់ចូលគេង គិតបន់អោយតែដល់តែព្រឹកឆាប់ៗនឹងអាលធ្វើការ។ នេះគេហៅថា ស៊ីជោរ! :D តាមពិតទៅមិនមែនអញ្ចឹងទេ នៅពេលដែលយើងពេញចិត្តនឹងការងាររបស់យើង នោះយើងនឹងយល់ថាវាលែងទៅជាការងារទៀតហើយ តែវាបែរជាការកំសាន្ត។ និយាយទៅធ្វើការបានមួយខែហើយ ខ្ញុំស្រកទំងន់ ហើយមុខឡើងផត ខូចសម្រស់ សក់ឡើងវែង ដូចស្រី :D ពេលទៅស្រុក ម៉ែនឹងភ្ញាក់ផ្អើលកូនប្រុស គាត់ដូរភេទ :D

face

1797344_10203255603890812_883674699_n

ពេលម៉ោងសំរាកពេលបាយ ឯកឧត្តមបបួលទៅញាុំអាហារថ្ងៃត្រង់ក្នុងហាងរុស្ស៊ីដែលទើបតែបើកថ្មីក្បែរស្ថានទូត។ គាត់ពិតជាសាមញ្ញណាស់ ដើរតាមផ្លូវដោយគ្មានបារម្ភពីសុវត្ថិភាព។ ប៉ូលីសរុស្ស៊ីដែលយាមនៅមុខស្ថានទូត ដើរវ៉ាក់អើ តែក៏ភ្ញាក់ ហើយវន្ទាគំនាប់ ត្រង់ជើងភ្លឹង។ តាមផ្លូវ យើងនិយាយអំពីនយោបាយដែលកំពុងវឹកវរ នៅអ៊ុយក្រែន និង នៅក្នុងស្រុក។ ខ្ញុំពិតជាស្ងើចសរសើរចំពោះគាត់ខ្លាំងណាស់ .. គាត់ប្រាកដជាក្លាយជាអ្នកដែលមានឥទ្ធិពលមកក្នុងផ្នែកណាមួយនៃជីវិតខ្ញុំមិនខាន។ ពីរថ្ងៃនេះ ខ្ញុំរួមតុជាមួយគាត់។ ម្សិលមិញនៅក្នុងរ៉េស៊ឺដង់ ថ្ងៃនេះនៅក្នុងហាងរុស្ស៊ី។

Articles

ជំនួយស្មារតីអំពីប្រទេស Azerbaijan

In Uncategorized on March 12, 2014 by hengkrishnaaa

-សាធារណរដ្ឋ Azerbaijan មានផ្ទៃដី ៨៦.៦០០ km2 និង ប្រជាជន ៩.៥៩០.១៥៩ នាក់ ( ២០១៣ )
-រដ្ឋធានី៖ ទីក្រុង Baku
-ព្រំដែនជាប់នឹងប្រទេសចំនួន៥គឺ៖ រុស្ស៊ី (Russia) ហ្សកហ្ស៊ី (Georgia) អ៊ីរ៉ង់ (Iran) ទួរគី (Turkey)
អារមេនី (Armenia)។
-ភាសាផ្លូវការ៖ អាហ្សេរី (Azeri)
-សាសនា៖ មូស្លីម
-GDP ៩៨.៧៧៦ លានដុល្លារ និង ពលរដ្ឋម្នាក់ៗ ១០.៦២៤ ដុល្លារ (ឆ្នាំ ២០១២)
-រូបិយប័ណ្ណ៖ ម៉ាណាត (1 USD = ១,២៧ AZN)
-ប្រកាសឯករាជ្យ(ពីសហភាពសូវៀត)៖ ថ្ងៃទី ១៨ ខែ តុលា ឆ្នាំ ១៩៩១
-ទិវាបុណ្យជាតិ៖ ២៨ ឧសភា
-ទំរង់និង របបដឹកនាំរដ្ឋ៖ សាធារណរដ្ឋ ប្រជាធិបតេយ្យ បែបប្រធានាធិបតីនិយម (អាណត្តិ ៥ឆ្នាំ)
• លោក ILHAM ALIYEV ប្រធានាធិបតី (កាន់តំណែងពីឆ្នាំ ២០០៣ ដល់បច្ចុប្បន្ន )
- សភាមានមួយថ្នាក់ មានអាណត្តិ ៥ ឆ្នាំ៖
• សភាជាតិ (សមាជិក ១២៥ រូប ) លោក OGTAY ASADOV ប្រធាន

ទំនាក់ទំនងរវាង Azerbaijanនិង សហរដ្ឋអាមេរិក
ប្រទេស Azerbaijan គឺជាសម្ព័នមិត្តដ៏សំខាន់បំផុតរបស់សហរដ្ឋអាមេរិកនៅក្នុងតំបន់អាស៊ីភាគ
និរតី។ ទំនាក់ទំនងទ្វេភាគីដ៏ស្អិតរមួតនៃប្រទេសទាំងពីរឈរនៅលើទិសដៅអាទិភាពចំនួន បី គឺ៖
សន្តិសុខ ថាមពល និង កំណែទម្រង់ប្រជាធិបតេយ្យបូករួមទាំងសេដ្ឋកិច្ច។ អាមេរិកបានធានាបន្ត
ពង្រីកនិងពង្រឹងកិច្ចសហប្រតិបត្តិការជាមួយប្រទេស Azerbaijan ក្នុងនាមជា “ដៃគូយុទ្ធសាស្ត្រ”
ក្នុងការប្រយុទ្ធប្រឆាំងទៅនឹងអំពើភេវរកម្ម និង សន្តិសុខលើវិស័យថាមពល។ នៅក្នុងប្រតិបត្តិការ
សឹកប្រឆាំងនឹងក្រុមភេវរករនៅ អាហ្វហ្គានីស្ថាន (Afghanistan) ប្រទេស Azerbaijan បានដើរតួ
យ៉ាងសំខាន់ក្នុងការគាំទ្រដល់កងទ័ពអាមេរិក និងសម្ព័ន្ធមិត្តណាតូ។នៅចុងឆ្នាំ ២០១១អាមេរិកបាន
គាំទ្រយ៉ាងសកម្មបេក្ខភាពប្រទេស Azerbaijanឱ្យជាប់ជាសមាជិកមិនអចិន្ត្រៃយ៏នៅក្នុងក្រុមប្រឹក្សា
សន្តិសុខអង្គការសហប្រជាជាតិ (UNSC)។ មិនតែប៉ុណ្ណោះ ជំនួយជាកញ្ចប់ថវិការរបស់អាមេរិកផ្តល់
ដល់ប្រទេស Azerbaijanចាប់ពីឆ្នាំ១៩៩២ ដល់ឆ្នាំ២០១២មានចំនួនជាង ១.០២៣លានដុល្លារ។
ទំនាក់ទំនងទ្វេភាគីប្រទេសទាំងពីរមានភាពល្អក់កករបន្តិចបន្តួចនៅពេលដែលសហរដ្ឋអាមេរិកបាន
រិះគន់អំពីបញ្ហាសិទ្ធិមនុស្ស និង ដំណើរការយឺតយ៉ាវនៃលទ្ធិប្រជាធិបតេយ្យ។ ជាការប្រតិកម្មតប
ប្រទេស Azerbaijan បានលុបចោលការធ្វើសមយុទ្ធយោធា Regional Response ដែលគ្រោងធ្វើនៅខែ
ឧសភា ឆ្នាំ ២០១១។ ទោះបីជាបញ្ហាការគោរពសិទ្ធិមនុស្ស និង លទ្ធិប្រជាធិបតេយ្យនីយកម្មក្នុង
ប្រទេសនៅតែជាចំណុចរសើបបែបណាក៏ដោយ ទំនាក់ទំនងរវាងប្រទេសទាំងពីរនៅតែមានភាពរលូន។

ទំនាក់ទំនងរវាង Azerbaijanនិង រុស្ស៊ី

ក្រោយការដួលរលំសហភាពសូវៀត ទំនាក់ទំនងរវាងប្រទេសAzerbaijanនិង រុស្ស៊ី ហាក់មានភាព
ល្អប្រសើរដោយអន្លើ ខណៈប្រទេសទាំងពីរមានការមិនចុះសម្រុងលើបញ្ហាមួយចំនួនដូចជា៖ បញ្ហាជម្លោះ
Nagorno-Karabakh និង បញ្ហាស្របច្បាប់នៃសមុទ្រ Caspian ជាដើម។ ទំនាក់ទំនងសេដ្ឋកិច្ច និង ជំនួញ
ទ្វេភាគី Azerbaijan- រុស្ស៊ី បានកើនឡើងរហូតដល់ជាង ៣,៤ ពាន់លានដុល្លារនៅឆ្នាំ ២០១២ ។
ទន្ទឹមនឹងសមិទ្ធផលប្រកបដោយផ្លែផ្កាក្នុងកិច្ចសហប្រតិបត្តិការលើវិស័យសេដ្ឋកិច្ច ការលេចឡើង
នូវភាពស្រពេចស្រពិលក្នុងនយោបាយសមាហរណកម្មអ៊ឺរ៉ាស៊ីក្រោយសូវៀត (Post-Soviet Eurasia)
របស់រុស្ស៊ីបានបង្កអោយមានការមិនទុកចិត្តពីសំណាក់ប្រទេសអតីតសូវៀតមួយនេះ។
ប្រទេស Azerbaijan មើលឃើញដំណើរការនៃសមាហរណកម្មរវាងបណ្តាប្រទេសអតីតសហភាព
សូវៀតដែលផ្តួចផ្តើមគំនិតដោយរុស្ស៊ីថា ជាការចាប់ផ្តើមនូវការស្តារឥទ្ធិពលរុស្ស៊ីឡើងវិញដែលបាន
បាត់បង់ក្រោយការដួលរលំសហភាពសូវៀត។ ដើម្បីចៀសផុតពីឥទ្ធិពលនេះ ប្រទេស Azerbaijan
បានបដិសេធមិនចូលរួមក្នុង សហគមន៏គយ លំហសេដ្ឋកិច្ចរួម ឬ អង្គការសន្ធិសញ្ញាសន្តិសុខរួម (CSTO) ដែលស្ថិតក្រោមឥទ្ធិពលរុស្ស៊ី ហើយងាកទៅរកសហរដ្ឋអាមេរិក និងបណ្តាប្រទេសអ៊ឺរ៉ុប។

ទំនាក់ទំនង Azerbaijanនិង ចិន
ប្រទេសចិនគឺជាដៃគូផ្នែកជំនួញដ៏សំខាន់បំផុតរបស់ប្រទេស Azerbaijan ។ ទំហំទឹកប្រាក់ក្នុងផ្នែក
ជំនួញនៃប្រទេសទាំងពីរកើនដល់ ១,២ ពាន់លានដុល្លារ នៅក្នុងឆ្នាំ២០១២។ មានក្រុមហ៊ុនចិនចំនួន
៦៩ កំពុងដំណើរការនៅក្នុងប្រទេស Azerbaijan ដែលភាគច្រើនវិនិយោគលើផ្នែក កសិកម្ម
ទូរគមនាគមន៏ សំណង់ ជាដើម។ ជំហរប្រទេស Azerbaijan និង ចិន មានភាពស្រដៀងគ្នាលើ
ឆាកអន្តរជាតិ ជាពិសេសលើ ការគោរពសិទ្ធិមនុស្ស និង ប្រជាធិបតេយ្យ។

Follow

Get every new post delivered to your Inbox.