Articles

ព្រះមហាវីរក្សត្រ នរោត្តម សីហនុ នៅក្នុងការចងចាំ!

In Uncategorized on February 1, 2013 by hengkrishnaaa

52758_447924618587825_1531872480_o

Articles

សិង្ហបុរី

In Uncategorized on February 1, 2016 by hengkrishnaaa

ជួបគ្នាសារជាថ្មី​ទីក្រុងតោ​ ។​  ត្រូវនៅទីនេះរយះពេលបីថ្ងៃដើម្បីអមដំណើរប៉ាម៉ាក់ព្យាបាលជំងឺ។​   គិតទៅ​ មានរូបគឺត្រូវមានទុក្ខ។​  គ្រាន់តែថា​  ទុក្ខនោះមាន​ប្រភេទ​ និង​ ទម្ងន់របស់វា។​ ខ្ញុំទើបតែយល់កាន់តែច្បាស់ថា​ ក្នុងមួយជីវិតមនុស្សមានឪពុកម្តាយបួន​ ពោលគឺម្តាយពីរ​  និង​ ឪពុកពីរ។​  ជាកូនបង្កើត​និងកូនប្រសារ​ មានន័យតែមួយ​ គឺជាកូន។  ឪពុកបង្កើត​ និងឪពុកក្មេក​ គឺមានតម្លៃគោរពស្មើគ្នា​ ។​ យ៉ាងណា​ មិនប្រាកដថា​ កូនប្រសារទំាងអស់សុទ្ធតែគិតដូចនេះ​  ត្បិតនេះអាស្រ័យទៅនឹងសន្តាន​ និង​ ការអធ្យាស្រ័យរបស់ពួកគេម្នាក់ៗ។​  

ថ្ងៃនេះដើរតាមផ្លូវជួបកូនស្រីតូចម្នាក់​ដើរជាមួយឪពុក​ម្តាយគេ។​   មុខគួរអោយស្រឡាញ់ណាស់។​ ខ្ញុំនឹកភ្នកដល់ពេលមួយ​ ដែលខ្ញុំនិងនាងតូចមានកូនស្រីជាមួយគ្នា។​  ទោះនៅឆ្ងាយពីគ្នា​  នាងតូចរមែងនៅក្នុងការគិតរបស់ខ្ញុំ​ គ្រប់ទីកន្លែង។​  នាងជាផ្ទះដ៏កក់ក្តៅរបស់ខ្ញុំ។​

Articles

ឥណ្ឌូនេស៊ី

In Uncategorized on January 18, 2016 by hengkrishnaaa

# ត្រូវឃ្លាតឆ្ងាយពីនាងតូច. រយៈពេល ៣ យប់ ៤ថ្ងៃ ទៀតហើយ។ ក្នុង ៣០ ថ្ងៃសម្រាប់ខែនេះ ខ្ញុំចំណាយពេល ១៤ ថ្ងៃឃ្លាតពីភរិយា។ វាពិតជារង្កៀសចិត្ត ដែលគូស្វាមីភរិយាថ្មីថ្មោងរបស់យើង ត្រូវឃ្លាតឆ្ងាយពីគ្នាញឹកញាប់។ បើទោះជាពេលថ្ងៃយើងមិនបាននៅក្បែរគ្នា យ៉ាងហោចណាស់ ពេលល្ងាចយើងអាចញុំាបាយជួបជុំជាមួយគ្នា និង ជាមួយម៉ាក់ប៉ា (ដែលជាអ្វីខ្ញុំអោយតម្លៃខ្លាំងបំផុតសម្រាប់គ្រួសារ) ហើយក្រោយបាយ ពីរនាក់យើង អាចធ្វើកិច្ចការរបស់ខ្លួន  ឬខ្ញុំអាចញុះនាងតូចអោយខឹងច្រលោត ហើយលួងលោមអោយបាត់ខឹង ឬ​ ប្រលែងគ្នាទៅតាមទំលាប់គូភរិយាស្វាមីយើង ។
ខ្ញុំប្រាកដក្នុងចិត្តថា ព្រះកំពុងចង់បង្រៀនអោយខ្ញុំចេះនូវអ្វីដែលខ្ញុំមិនចេះ ធ្វើអ្វីដែលខ្ញុំមិិនធ្លាប់ធ្វើពីមុនមក សម្រាប់បេសកម្មនៅលើផែនដី!

#រយៈពេលនៅប្រទេសចិន ខ្ញុំព្យាយាមសង្កេតមនុស្សជោគជ័យដែលខ្ញុំបានជួប។ មេរៀនពីប្រធានក្រុមហ៊ុនជនជាតិចិនដ៏ជោគជ័យ ដែលខ្ញុំបានរៀន៖ ការដាក់ខ្លួន និង ភាពរហ័សរហួន។
១. ការដាក់ខ្លួន៖ ក្នុងឋានៈជាអគ្គនាយកក្រុមហ៊ុនដែលមានប្រាក់រាប់លានដុល្លារ គាត់មិនខ្លាចនឹងបើកទ្វារឡានអោយភ្ញៀវ និង បំរើអោយភ្ញៀវរបស់ខ្លួនមិនអោយទាស់ចិត្ត។ មនុស្សតិចណាស់ដែលអាចធ្វើបានដូចគាត់ ព្រោះម្នាក់ៗសុទ្ធតែមាន អស្មិមានៈ (Ego) ធំពេកក្រៃ ។ សុទ្ធតែយល់ថា ខ្លួនជាស្នូលកណ្តាលនៃចំណាប់អារម្មណ៏ពីអ្នកដទៃ។    អ្នកដទៃត្រូវតែយកចិត្តទុក​ដាក់​ខ្លួនមុនអ្នកណាទាំងអស់!  ខ្លួនប៉ុននេះដែរ  ហេតុអ្វីត្រូវធ្វើកិច្ចការនេះ? ខ្លួនប៉ុននេះដែរ ហេតុអ្វីត្រូវមកប្រលូក
ប្រលាក់ការងារបែបនេះ?  … ខ្ញុំគួរតែរំលឹកខ្លួនអោយញឹកញាប់ថា  ចូរដាក់ខ្លួន!
២. ភាពរហ័សរហួន៖ រូបភាពអគ្គនាយកក្រុមហ៊ុន លោតចុះពីឡានដែលកំពុងររកឈប់ ហើយ មកបើកទ្វារឡានអោយភ្ញៀវ គឺជាអ្វីដែលទាក់ទាញភ្នែកខ្ញុំនិងចំណាប់អារម្មណ៏ខ្ញុំខ្លាំងបំផុត!  ខ្ញុំគួរយកមកដាក់ខ្លួន ហើយប្រតិបត្តិអោយញឹកញាប់។ ការអនុវត្តដំបូងរបស់ខ្ញុំ ប្រហែលជាផ្តើមជាមួយ ប៉ាម៉ាក់ ពីរអាទិត្យទៀតនៅឯ សិង្ហបុរី ។

# ការបាក់មុខ (Lost face)៖ មនុស្សគ្រប់គ្នាត្រូវការកិត្តិយស ត្រូវការតម្លៃ និង ការគោរព។ ការបំបាក់មុខ គឺជាអ្វីដែលត្រូវតែចៀសអោយខានតែបាន ជាពិសេសរវាង គ្រួសារ បងប្អូន និង ប្តីប្រពន្ធ។ មានឧទាហរណ៏ច្រើនណាស់ដែលខ្ញុំបានឃើញ ជាពិសេសនៅក្នុងរង្វង់គ្រួសារ កន្លែងធ្វើការ ឬ រហូតដល់ថ្នាក់មេដឹកនាំ។ ជាប់បន្ទប់ខ្ញុំធ្វើការនៅសាកលវិទ្យាល័យឡូម៉ូណូសូវ  មានសាស្ត្រាចារ្យចំណាស់ម្នាក់ បានស្តីអោយនិស្សិតស្រីដែលខកខានមិនមករៀន គាត់បានស្តីបន្ទោសនៅមុខនិស្សិតដទៃទៀតធ្វើអោយនិស្សិតស្រីអាម៉ាស់មុខ ក្នុងកណ្តាលចំណោម ។ ចាប់ពីពេលនោះ គេលែងឃើញនិស្សិតស្រីនោះមករៀនទៀត ។ ឧទាហរណ៏មួយទៀត គឺអ្នកការទូត ដែលខ្ញុំនៅរៀនឯមូស្គូ។ គាត់ស្តីបន្ទោស ស្រែកគំហក ចងចិញ្ចើមដាក់ប្រពន្ធរបស់ខ្លួន គ្រាន់តែបងស្រីធ្វើខុសពីចិត្តរបស់អ្នកការទូតរូបនេះ នៅក្នុងចំណោមពួកយើងដែលជានិស្សិត ។ វាពិតជាល្ងង់ខ្លៅណាស់សម្រាប់អ្នកការទូតរូបនេះ ដែលព្យាយាមហែកកេរ្តិ៏ខ្មាស់ខ្លួន និង ប្រពន្ធខ្លួនអោយអ្នកដទៃដឹង។
រូបភាពនេះហើយដែលខ្ញុំនៅចាំ ហើយបង្រៀនខ្លួនឯងជានិច្ចថា នៅពេលមានភរិយា កូនក្តី ត្រូវចៀសវាងការស្តីបន្ទោស  ការឈ្លោះប្រកែក ការគំហកនៅក្នុងទីសាធារណៈ ក្នុងទីចំណោម ឬ​នៅមុខកូនៗ ឬ មុខបាវបំរើ ឬនិយាយអោយខ្លី មួយជំហានចេញពីបន្ទប់គេង ដាច់ខាតមិនត្រូវធ្វើអ្វីទាំងនេះ ហើយអោយប្រាកដនោះគឺ ត្រូវចៀសវាងកុំធ្វើ! បើអត់ទ្រាំមិនបាន ត្រូវមកនិយាយគ្នាដោយសម្រួលនៅក្នុងបន្ទប់ ។ នេះជាការគោរព និង ជាការចៀសវាងការបំបាក់មុខគ្នា។ ហេតុអ្វីបានជាអ្នកដទៃធ្វើអោយយើងខឹង? គឺដោយសារគេនោះធ្វើអ្វីខុសពីការគិតរបស់យើង។ តើមានប៉ុន្មានដងដែលយើងខ្លួនឯង មិនអាចធ្វើតាមអ្វីដែលខ្លួនយើងគិតបាន?
គឺច្រើនលើកណាស់! ចុះទម្រាំអ្នកដទៃ? គឺប្រាកដណាស់ មិនអាចធ្វើដូចចិត្តយើងគ្រប់តែរឿងនោះទេ!

Articles

ស្វាមី​ និង​ កូនប្រសារ

In Uncategorized on January 13, 2016 by hengkrishnaaa

វិលត្រលប់ពីប្រទេសចិនវិញ ជាមួយសេចក្តីនឹករលឹកនិងសេចក្តីស្រឡាញ់យ៉ាងខ្លាំងចំពោះភរិយាសម្លាញ់  ។​  នាងតូចទ្រាំអត់ងងុយនៅចាំបើកទ្វារ​ រហូតដល់ម៉ោងជាង​ ១២​កណ្តាលអាធ្រាត្រ​ បើទោះជាធម្មតា​  កម្រគេងក្រោយម៉ោង​ ១១​យប់​ ។​  ខ្ញុំពិតជារំភើបចិត្តណាស់​ សម្រាប់ការទទួលបាននូវសេចក្តី​ស្រឡាញ់​ និង​ ការបារម្ភពីសំណាក់ភរិយារបស់ខ្លូន។​

ក្នុងជីវិតមនុស្សយ៉ាងហោចណាស់មានឪពុកបង្កើតចំនួនពីរ​និងម្តាយបង្កើតចំនួនពីរ ។​   នៅពេលអ្នកមានគ្រួសារ​  អ្នកនឹងយល់ពីអ្វីមួយនេះកាន់តែច្បាស់។​  ខ្ញុំជាមនុស្សមានសំណាង​ សំណាងគឺខ្ញុំមានភរិយាជាទីស្រឡាញ់ម្នាក់​ ហើយសំណាងមួយទៀត​ ខ្ញុំមានប៉ាម៉ាក់ក្មេកគួរអោយគោរព​ ហើយលោកទាំងពីរក៏មានចិត្តសន្តោស​ បារម្ភ​ និងស្រឡាញ់ខ្ញុំ​។​  នេះជាសំណាងទ្វេដង​ ដែលមនុស្សប្រាថ្នាចង់បាន   ។​  ទោះលោកទាំងពីរមិនមែនជាឪពុកម្តាយ​ដែលបង្កើតរាងកាយខ្ញុំ​ ប៉ុន្តែសេចក្តីគោរព​  សេចក្តីស្រឡាញ់​ ខ្ញុំតម្កល់លើសិរិសាដូចឪពុកម្តាយបង្កើត​ ត្បិតលោកទាំងពីរជាអ្នកបង្កើតភរិយាដែលជាផ្នែកម្ខាងនៃជីវិតខ្ញុំ ។​  ឪពុកម្តាយក្មេក​ គឺជាឪពុកម្តាយបង្កើតរបស់កូនប្រសារ ។​

ជាធម្មតា​ ខ្ញុំស្និទ្ធជាមួយអ្នកម្តាយ​  មិនថាអ្នកម្តាយបង្កើត ឬ​ អ្នកម្តាយក្មេក។​  អ្នកម្តាយទាំងពីរមានចរិកស្រដៀងគ្នាមួយ​ គឺការនិយាយត្រង់។​  មួយថ្ងៃក្រោយការត្រលប់មកវិញ​  ខ្ញុំបានអង្គុយញាំបាយជាមួយអ្នកម្តាយក្មេក​ ក្រោយពីការលើកថាសម្ហូបជូនប៉ាដែលគាត់ពិបាកដើេរ​ដោយសារការឈឺជើង។​ អ្នកម្តាយលើកយកគំនិតរបស់បុរមបុរាណដែលខ្ញុំមិនធ្លាប់លឺ​ ហើយវាគួរអោយចាប់អារម្មណ៏:  

-កូនស្រីខ្ញុំ មានកំហុសត្រូវស្តីថា សូមកូនធ្វើចិត្តអោយធ្ងន់រំងាប់ចិត្ត នៅពេលបាន​ធូរចិត្តហើយសូមញញឹម​ដាក់​នាង​សារ​ជាថ្មី។–បើកូនស្រីខ្ញុំ មានកំហុសត្រូវវាយទាត់ធាក់ដោយហេតុប្រការណា សូមកូនធ្វើចិត្តអោយធ្ងន់រំងាប់ចិត្ត នៅពេល​បាន​ធូរ​ស្រាល​ចិត្ត សូមកូនគ្រាន់តែស្តីថាអោយនាងបានហើយ។
-បើកូនស្រីខ្ញុំ មានកំហុសត្រូវបំបរបង់ កាប់សម្លាប់ ដោយហេតុសាហាយស្មន់ផិតក្បត់ចិត្ត សូមកូនធ្វើចិត្តអោយធ្ងន់រំងាប់ចិត្ត នៅពេលធូរស្រាលចិត្តហើយ សូមកូនគ្រាន់តែប្រគល់នាងមកអោយខ្ញុំជាម្តាយវិញបានហើយ។

Articles

ចិន

In Uncategorized on January 2, 2016 by hengkrishnaaa

 ទៅឆ្ងាយពីនាងតូចទៀតហើយ​ ។​   ប្រសិនបើនៅលីវ​ ជីវិតបែបនេះ​ ពិតជាអស្ចារ្យណាស់!​  ត្បិតការចាកផុតពីព្រំដែន​ គឺជាឪកាសនៃការពង្រីកចក្ខុវិស័យជីវិត​ និង​ការផ្សងព្រេងដ៏គួរអោយរំភើប។​  យ៉ាងណាមិញ​ ក្នុងទីតាំងមានគ្រួសារ​ ការចាកឆ្ងាយពីភរិយា/ប្តីញឹកញាប់ពេក​ ពិតជាធ្វើអោយរង្គៀសចិត្ត​ ទោះពេលខ្លះនៅក្បែរគ្នាថ្នឹងថ្នាក់គ្នាបន្តិចក៏ដោយ​ តែក៏ប្រសើរដែរ។​

 

Articles

ពេលវេលា​ និង​ ប្រាក់

In Uncategorized on December 25, 2015 by hengkrishnaaa

#ខ្ញុំនៅចាំរឿងមួយអំពី​ ពេលវេលា​ និង​ ប្រាក់របស់លោកស្រីសាស្ត្រាចារ្យរុស្ស៊ីដែលបង្រៀនមុខវិជ្ជា​ ចិត្តវិទ្យា។​  ក្នុងវេលាដ៍សុខសាន្ត​ នាទីជនបទមួយមានគូស្រករក្មេងខ្ចីមួយគូ។​  ពួកគេស្រឡាញ់គ្នាខ្លាំងណាស់។​ ពួកគេមានពេលវេលាគ្រប់គ្រាន់នៅជាមួយគ្នា​ ឥតបើកើតក្តីកង្វល់អ្វីឡើយ​។​ ពេលវេលាចេះតែកន្លង… ស្ត្រីជាភរិយាសង្កេតឃើញអ្នកជិតខាងខ្លួនមានទ្រព្យសម្បត្តិ​ គោ​  រទេះ​ បរិបូរណ៌។​  ស្ត្រីក៏សួរខ្លួនដោយនឹកតូចចិត្តថា​ ខ្លួនប្រហែលជាមនុស្សមិនសំណាង​ ត្បិតមានប្តីជាអ្នកក្រក្រី​ ណ្ហើយធ្វើម៉េចបើបានគ្នាជាប្តីប្រពន្ធហើយ​ មានតែបណ្តោយតាមយថាកម្មចុះ​។​  ស្ត្រីជាភរិយាចាប់ផ្តើមបញ្ចេញចរិកប្លែកពីមួយថ្ងៃទៅមួយថ្ងៃ​ ។​  នាងចេះរអ៊ូរទាំ​ ចេះរញុំារញ៉ូវ​ ពុតត្បុត​  មាយា​ ធ្វើយ៉ាងណាអោយបុរសជាប្តីត្រូវខំរកអោយបានប្រាក់ច្រើនៗ​  មានពេលខ្លះ​ នាងជាភរិយាប្រើសំដីក្រោធគ្រាធ​ ជួនប្រមាថប្តី។​  បុរសជាប្តី​ ជាមនុស្សសុច្ចរឹត​ ទៀងត្រង់​ មិនចេះខូចខិល​ ឬ​ សូម្បីផឹកសុរាអ៊ួទីនួ​ជាមួយបនភឿនក៏មិនចេះ។​ នាយយើងសម្រេចចិត្តលាភរិយាទៅធ្វើជំនួញនៅទីឆ្ងាយក្នុងក្តីសង្ឃឹមថានឹងរកប្រាក់អោយបានច្រើន។​  មាណពយើងរកបានប្រាក់ផ្ញើអោយភរិយា​ជារឿយៗ​ ជីវភាពគ្រួសារកាន់តែល្អប្រសើរ។​  នៅពេលមានប្រាក់ល្មម​ មានម្ហូប​ មានបាយមិនមានខ្វះខាត​ ភរិយាក៏តាំងតូចចិត្តសារជាថ្មី​ នៅពេលឃើញគូស្រករដទៃមានពេលនៅក្បែរគ្នា។​  នាងជាភរិយាក៏ត្រាប់ជាដដែលនូវពុតមាយាខ្លួន​ធ្វើយ៉ាងណាអោយប្តីនៅក្បែរ​ ល្អូកល្អឺន​កាលពីពេលមុន… ពេលនោះមាណពជាប្តីក៏លេចឡើងសំនួរក្នុងខួរក្បាល​ ហាក់ពុំមានចម្លើយ។​  តើខ្លួនគួរមានរបរណាដែលអាច​មានពេលនៅក្បែរប្រពន្ធ?​  ព្រះព្រហ្មលិខិត​ មិនអយុត្តិធម៌ពេកទេ​  ប្រាក់ច្រើន​ ក៏ត្រូវការយកពេលវេលាច្រើនទៅប្តូរដែរ។​  បុរសជាប្តីនៅតែគិតថា​ តើគួរនៅអោបប្រពន្ធ​ មានពេលអោយច្រើនជាមួយប្រពន្ធ​ដូចពេលមុនឬ?​  អត់ទេ!​  បើសិនមិនយ​កពេលវេលាទៅប្តូរទេ​ ក៏មិនបានប្រាក់ដែរ។​  តើគាត់សុខចិត្តអោយស្ត្រីជាភរិយាប្រមាថគាត់ម្តងទៀតឬ​ នៅពេលដែលនាយយើង​ មានចំណូលតិច?​  ប្រាកដណាស់គឺ​ អត់ទេ!​  មាណពជាប្តីត្រូវបានភរិយាខ្លួនជាអ្នកបង្រៀន​ ដោយសេចក្តីប្រមាថមាក់ងាយរបស់ខ្លួន។  នាយយើងលាន់មាត់ក្នុងចិត្តថា​  អាត្មាអញនឹងមិនអោយនាងនេះ​ ប្តូរចុះឡើងតាមសន្តានខ្មោចចេញ​ ខ្មោចចូលនាងបានទៀតឡើយ។​ 

គិតទៅមនុស្សជាច្រើ​នសុទ្ធតែមានស្ថានភាពបែបនេះ​។​   រវាងពេលវេលា​ និង​ ប្រាក់កាស​ ។​  ដើម្បីបានអ្វីមួយ​ អ្នកត្រូវយកអ្វីមួយឬលើសពីមួយដើម្បីប្តូរ។​

#កុំបំផ្លាញទំនុកចិត្តមនុស្សដែលទុកចិត្តអ្នកអី​ ។​ ជំនឿចិត្តបើត្រូវ​បានបំពានម្តងហើយ​ កុំសង្ឃឹមថា​ នឹងមានសារជាថ្មី។​

Articles

ជម្លោះផ្លូវចិត្ត

In Uncategorized on December 19, 2015 by hengkrishnaaa

#ពីរយប់ហើយ ប្រពន្ធទៅចោល ។ មនុស្សមានសព្វមានគ្រប់ហើយ ការខ្លួនមួយ ដូចមិនដល់ថ្នាក់នេះទេ លុះមកបានគ្នាពីរនាក់ តាំងបាត់ម្នាក់ រាងហេលហាលក្នុងចិត្តម៉េចមិនដឹង… ធ្លាប់តែរាល់យប់មានអ្នកគេងលើទ្រូង ឬ យ៉ាងហោចណាស់ក៏គេងអង្អែលសក់ អង្អែលថ្ពាល់…ដល់ឥលូវគ្មាន បែរជាគេងមិនលក់ឯណាហ្ន ។ នេះបានចំជាមនុស្ស!

#ទើបតែដឹងថា ភ្នែកខ្ញុំម្ញូបឆ្ងាយ… មនុស្សឈរចម្ងាយចាប់ពី៥ម៉ែត្រពីខ្ញុំ ក៏ខ្ញុំមើលមិនច្បាស់ដែរនៅក្រោមអំពូលម៉ែត្រ។ មុខឡើងប៉ប្រៀក។  ដូចល្ងាចមិញនេះ ចៃដន្យបំផុត ដែលខ្ញុំងាកទៅស្តាំដៃ។ ខ្ញុំពិតជាមើលមិនច្បាស់ទាល់តែសោះថាជានរណា ត្បិតអីមុខខ្ញុំមើលស្រដៀងៗមនុស្សដែលខ្ញុំធ្លាប់ស្គាល់ច្បាស់ពីមុន។ គិតទៅមនុស្សយើង ពេលវេលាពិតជាផ្លាស់ប្តូរមនុស្ស ទាំងផ្នែករាងកាយ និង ចិត្ត។

#គិតសព្វៗទៅ ខ្ញុំពិតជាមោទនភាពម្តាយឪពុកខ្ញុំបំផុត។ ពួកគាត់មិនមាន លុយច្រើនសន្ធឹកសន្ធាប់ដូចគេ នេះដោយសារភាពស្អាតស្អំ គ្មានគៃបន្លំជាតិ ជញ្ជក់ឈាមប្រជាជនដូចបណ្តាអ្នកមានជាច្រើន។ នេះមិនមែនលើកដំបូងទេដែលខ្ញុំយល់បែបនេះ តែអ្វីដែលធ្វើអោយខ្ញុំរឹតតែច្បាស់ក្នុងចិត្តនោះ (…) ពួកលោកទាំងនោះភាគច្រើនបានថ្កុំថ្កើងដោយសារភាពកឹបកេង លួចបន្លំសម្បត្តិធម្មជាតិជាតិ និង ញើសឈាមពីប្រជាពលរដ្ឋ។ ខ្ញុំក៏គួរអោយស្តីបន្ទោសអោយខ្លួនឯងដែរ ដែលជ្រើសរើសភាពអាត្មានិយមជ្រើសរើសឆ្នាំងបាយ  ជាជាងឧត្តមគតិ។

 

Articles

ក្រពះ​ និង​ ឧត្តមគតិ

In Uncategorized on December 17, 2015 by hengkrishnaaa

អរគុណសាច់ញាតិរបស់លោកប្រធានាធិបតី​ ដែលនាំឱកាសការងារអោយខ្ញុំ។​  ប្រសិនបើគេអោយប្រាក់បៀវត្ស​ ១៥០០ដុល្លារ​ ឬ​ ២០០០​ដុល្លារ​ សម្រាប់ការងារជាជំនួយការអោយជនទុច្ចរិតបំផ្លិចបំផ្លាញជាតិ​ តើអ្នកធ្វើឬទេ?​  សម្រាប់ខ្ញុំ​ ទទូលដៃ១០!​  លុយជារឿងសំខាន់មួយ​ តែអ្វីដែលរឹតសំខាន់​ ខ្ញុំចង់ដឹងណាស់​ ថា​មនុស្សទុច្ចរិតនេះ​ពូកែបត់បែនបែបណាទើបគេជោគជ័យ​ មានបានលើគំនរញើសឈាមប្រជាជនបែបនេះ?​ 

 

Follow

Get every new post delivered to your Inbox.